མཐོ་མཐོ་སློབ་གྲ་ཆེན་མོའི་ལྕགས་རི་ནང་།།
མཛེས་མཛེས་མེ་ཏོག་འདྲ་བའི་རྒྱ་མོ(chinese)་ཁྱོད།།
འཛུམ་འཛུམ་དགྱེས་པའི་ཞལ་རས་མཚར་སྡུག་ཅན།།
དམན་དམན་ཚེ་རིང་ཕྱོགས་སུ་ཡུད་ཙམ་གསན།།
ཡར་ཡར་ཆུ་ཤེལ་ཅན་གྱི་ཁ་ཆུ་ཡིས།།
མར་མར་ཀུ་མུད་པད་ཚལ་རྒྱས་པ་ལྟར།།
མཛེས་མཛེས་ལྷ་མོ་ལྟ་བུའི་གཞོན་ནུས།།
ཆུང་ཆུང་བདག་འདྲ་གཟིགས་པ་ཡ་མཚན་ཆེ།།
བརྩེ་བརྩེ་སེམས་ཀྱི་བསྐྱངས་བའི་བཀའ་དྲིན་དང་།།
ཞིམ་ཞིམ་ཟས་སོགས་མཉམ་ཟོས་འཚོར་བ་དང་།།
སྙན་སྙན་གསུང་གིས་ཡང་ནས་ཡང་གདམས་པ།།
དངས་དངས་སེམས་ཀྱི་ནང་ལ་གསལ་ལེར་མཆིས།།
སྲ་སྲ་བྲག་དང་འཇིགས་འཇིགས་རླུང་ཟུང་གིས།།
ཞི་ཞི་རྒོད་ཀྱི་གྲོ་ལ་འཛིན་པ་ལྟར།།
གཡོ་གཡོ་མི་ངན་རྫུན་གྱི་དུག་མདའ་ཡིས།།
ཆུང་ཆུང་སྙིང་ལ་བཅོས་མི་རྨ་ཆེན་བཟོས།།
ལྕི་ལྕི་གཅོང་རྡོ་སྙིང་དབུས་ལ་ཚུད་པས།།
འཇམ་འཇམ་གཞོན་ནུའི་ལུས་ཀྱི་ཤ་ཡང་སྐམ།།
འཛུམ་འཛུམ་ལེགས་པའི་གདང་གི་བཀྲག་ཡང་ཤོར།།
སྙན་སྙན་དག་པའི་སྐད་ཀྱི་ཤུགས་ཡང་ཉམས།།
མཐོ་མཐོ་དཔོན་གྱི་བཀའ་ཆད་བཏངས་བ་དང་།།
དྲིན་དྲིན་ཕམ་གྱི་ཐུགས་ལ་ཕོག་པ་དང་།།
ངན་ངན་གྲོགས་ཀྱི་ཁ་ངན་ཤར་ན་ཤར།།
གང་གང་བྱུང་ཡང་བཟོད་པའི་བློ་ཐག་ཆོད།།
ཆེ་ཆེ་དྲིན་གྱིས་བསྐྱངས་བའི་རྩའི་བླམ་དང་།།
བཟང་བཟང་ཕ་མའི་བསྟེན་པའི་དཀོན་མཆོག་རྣམས།།
བྱམས་བྱམས་བརྩེ་བས་གཟིགས་རོགས་སྤྲོང་པོ་ལ།།
གུས་གུས་ཕྱག་དང་བཅས་ཏེ་འཚལ་བ་ལགས།།
སྤ་རོབ་ཇི་རཊ། (Gerrard)
སྙན་འགྱུར་སྤུས་གཙང་འདུག་ལགས།
ReplyDelete